Aizawl 17th June, 2024 (Mon): Mizoram Science, Technology & Innovation Council (MISTIC) leh Science Teachers Association of Mizoram (STAM) tangkawp chuan vawiin khan Class VIII leh Class X tan Mizoram pumah State Level Science Competition, a vawi hnihna atan a buatsaih a, Champhai District-ah pawh he inelna hi Govt. Champhai High School leh Govt. Vengthlang High School-ahte hlawhtling taka neih a ni.

Science subject hmanga zirlai intihsiak hi Champhai District bikah chuan mi 300 vel niin, Aizawl District tih lovah chuan participation thatna ber a ni. Result puan leh lawmman sem hi June ni 19, 2024 (Nilaini) chawhnu dar 2:00 ah Govt. Champhai High School-ah neih a ni ang.